繼續食！呢間叫綠茶既餐廳係海岸城，絕對會俾佢既裝修吸引左😍門口位有條小橋，旁邊有啲桃花，等位時打卡影相最適合不過📷大約等左半個鐘，我地坐左係餐廳中間既小船，底下有水仲會冒煙添，好有feel呀😂😂😂
整體黎講味道水準唔錯👍🏻我地叫左客家茄子煲、火焰蝦、水煮牛肉、烤雞、烤肉，年糕同一個類似麻糬既野。🔥火焰蝦用錫紙包住，送到黎之後就會點火燒一燒，整啲花巧野吸引下人，都幾開心~~同埋烤肉、茄子都會用個爐熱住，可以慢慢食，唔驚好快凍哂😊茄子都好食，不過食到底啲肉碎同醬我覺得咸左少少。烤雞肉個皮好脆，同埋本身雞肉表面已經有啲調味，所以都好惹味。